ఆహార భద్రత ఎవరికి?

ఎస్‌ పుణ్యవతి Wed, 25 Jul 2012, IST

ప్రజలందరికీ ఆహార భద్రతను సమకూర్చాలంటే ప్రభుత్వ విధానాల్లో గణనీయమైన మార్పు రావాలి. ఆహార పంటల సాగును ప్రోత్సహించాలి. రైతాంగానికి అవసరమైన ఎరువులను, పురుగు మందులను సాధ్యమైనంత తక్కువ ధరలకు అందుబాటులో ఉంచాలి. రైతుకు గిట్టుబాటు ధర కల్పించడం కోసం మార్కెట్‌లో ప్రభుత్వం సాధ్యమైనంత ఎక్కువగా జోక్యం చేసుకోవాలి. ఎఫ్‌సిఐ వంటి ప్రభుత్వరంగ సంస్థల చేత ఆహార ధాన్యాలను సాధ్యమైనంత ఎక్కువగా కొనుగోలు చేయించాలి. లక్షిత సబ్సిడీ వ్యవస్థకు బదులుగా సార్వత్రిక ప్రజాపంపిణీ వ్యవస్థను ఆచరణలోకి తీసుకురావాలి. నగదు బదిలీ పథకాల ఆలోచనను కూడా మానుకోవాలి. గ్రామీణ ఉపాధి హామీని మరింత విస్తృతంగా అమలు చేయడంతో పాటు, పట్టణ ప్రాంతాల్లోనూ ఉపాధికి గ్యారంటీ ఇవ్వాలి.
అది విజయనగరం జిల్లా కురుప్పాం మండలంలోని జంగురపాడు గ్రామం. రహదారి సౌకర్యాలకు దూరంగా మారుమూల ఉండే ఈ గ్రామంలో అత్యంత వెనుకబడిన గిరిజన తెగలకు చెందిన సవరలు నివసిస్తారు. ఆ గ్రామాన్ని ఇటీవల ఐద్వా బృందం సందర్శించింది. ఆ ప్రాంతంలో ఒకప్పుడు కొండలమీద సాగైన కందులు, అనుములు, జినుములు వంటి ఆహార పంటల స్థానంలో జీడిమామిడి వంటి వాణిజ్య పంటలు ఆక్రమించాయి. జీడిమామిడి తోటలతో పాటే అప్పులు స్థానిక ప్రజలను పలకరించాయి. ఆ గ్రామానికి చెందిన మోక్షయ్య అనే సవర తెగకు చెందిన గిరిజన రైతు మా బృందంతో మాట్లాడుతూ తనకు రూ.16 వేల అప్పు ఉన్నట్లు చెప్పాడు. 'జీడి వేశా. పంట సరిగ్గా పండ లేదు. రేటు కూడా రాలేదు'. ఇది అతనిచ్చిన సమాధానం. సాంప్రదాయిక ఆహార పంటలకు బదులుగా వాణిజ్య పంటలు సాగుచేయడంతో తిండిగింజలకు కూడా మార్కెట్‌పై ఆధారపడాల్సిన పరిస్థితి స్థానికంగా ఏర్పడింది. డిఎపి, యూరియా వంటి ఎరువులతో పాటు స్థానికులకు కనీసం పేరు కూడా తెలియని పురుగు మందుల కోసం భారీగా ఖర్చు చేయాల్సి వచ్చింది. దీంతో బ్యాంకులతో పాటు ప్రైవేటు వడ్డీ వ్యాపారులు కూడా గిరిజన గ్రామాల్లోకి వచ్చారు. ప్రభుత్వాలు అనుసరిస్తున్న ఆర్థిక విధానాల కారణంగా అప్పుకు ఆమడ దూరంలో ఉండే గిరిజనులు కూడా రుణగ్రస్థులుగా మారిపోతున్నారు. పోనీ, నానా కష్టాలు పడి పండించిన జీడిపప్పును వారు తింటున్నారా అంటే అదీ లేదు. జీడి సాగు చేసినా చాలీచాలని అరకొర తిండే వారికి ఇప్పటికీ దిక్కు! ధనిక దేశాల వినియోగం కోసం ఎక్కువ ఆదాయం వస్తుందని వారిని భ్రమల్లో ఉంచి సంప్రదాయ సాగు నుంచి వాణిజ్య పంటల వైపు మళ్లించిన ప్రభుత్వాలు ధర విషయంలో మాత్రం చేతులెత్తేస్తున్నాయి. ఫలితం సరైన ఆహారం లేకపోవడంతో వెంటాడే ఆరోగ్య సమస్యలు, తలకు మించిన అప్పులు మాత్రం గిరిజనులకు మిగిలాయి. ఇదే పరిస్థితి శ్రీకాకుళం జిల్లా సీతంపేట మండలంలోని పలు గ్రామాల్లోనూ కన్పించింది. ఒకప్పుడు పోడు వ్యవసాయం, పశుపెంపకంతో కనీసపు ఆహార భద్రతను పొందిన గిరిజన గ్రామాలు ఇప్పుడు భిన్నమైన స్థితిలో ఉన్నాయి. తిండిగింజల కోసం ప్రభుత్వమిచ్చే కోటా బియ్యంపై ఆధారపడాల్సిన పరిస్థితి వచ్చింది. ఇప్పుడు ఆ కోటా బియ్యానికీ ఎసరు పెట్టే విధానాలను అమలు చేయడానికి పాలకులు రంగం సిద్ధంచేస్తున్నారు. ఈ గ్రామాల రైతులు చెక్‌డ్యామ్‌లు నిర్మిస్తే స్థిర వ్యవసాయం సాధ్యమవుతుందని కొన్ని సంవత్సరాల నుంచి కోరుతున్నారు. గిరిజనసంఘం ఈ విషయాన్ని అనేకసార్లు ప్రభుత్వం దృష్టికి తీసుకెళ్లింది. అయితే, సంవత్సరాల తరబడి ఈ విషయంపై దృష్టి సారించని పాలకులు జీడిమామిడి తోటల సాగుకు మాత్రం స్థానికులను ప్రోత్సహించారు. సముద్ర తీర ప్రాంతాల్లోని పలు గ్రామాల్లో కూడా ధాన్యం సాగు కనుమరుగైంది. అక్వా కల్చర్‌ పేరుతో సారవంతమైన పొలాలు సైతం రొయ్యల చెరువులుగా మారిపొయ్యాయి. ప్రారంభంలో కాసుల వర్షం కురిపించిన రొయ్యల సాగు ఇప్పుడు ఏమాత్రం గిట్టుబాటుకాకుండా పోయింది. మళ్లీ వరి సాగు చేద్దామన్నా సాధ్యంకాని పరిస్థితి ఏర్పడింది. పర్యావరణ సమస్యలూ సరేసరి! ఇక్కడి ప్రజలు కూడా తిండిగింజల కోసం ప్రభుత్వ కోటా బియ్యం మీదనో, మార్కెట్‌ మీదనో ఆధారపడుతున్నారు. విదేశీయుల విలాసవంతమైన ఆహారపు అలవాట్లకు స్థానిక ప్రజల ఆహార భద్రతను ప్రభుత్వం పణంగా పెట్టింది. ఫలితంగా రైతాంగం రోజురోజుకీ అప్పుల ఊబిలో కూరుకుపోతోంది. దేశవ్యాప్తంగా ఉన్న మెజార్టీ ప్రజానీకానికి ఆహారధాన్యాత కొరత ఏర్పడింది.
ప్రజలేం తింటున్నారు ...?
ప్రణాళికా సంఘం లెక్కల ప్రకారం దేశంలో పేదరికం తగ్గుతోంది. పాలకవర్గాలకు వంతపాడే కార్పొరేట్‌ మీడియా, నిపుణులు చెబుతున్న ప్రకారం ప్రజల ఆహారపు అలవాట్లలో గణనీయమైన మార్పులు వస్తున్నాయి. ఒకప్పుడు కేవలం వరి, గోధుమలపై ఆధారపడే ప్రజానీకం ఇప్పుడు బలవర్థకమైన బహుళ రకాల ఆహార పదార్థాలను తీసుకుంటున్నారని వారు చెబుతున్నారు. మాంసం, తృణధాన్యాలు, పళ్లు ఇలా అనేక రకాలు తీసుకుంటుండంతో వరి, గోధుమల వినియోగం తగ్గుముఖంపడుతోందన్నది వారి వాదన! కార్పొరేట్‌ నిపుణులు కొండెక్కి మరీ కూస్తున్న ఈ కూతలు నిజమేనా? ఆహార రంగ నిపుణులు చెబుతున్న లెక్కల ప్రకారం బరువులు ఎత్తడం, పొలం పనులు, భవన నిర్మాణరంగ కార్మికులు వంటి శారీరక శ్రమ చేసే వారు పట్టణ, గ్రామీణ ప్రాంతాలన్న తేడా లేకుండా రోజుకు మూడు వేల కేలరీల ఆహారం తీసుకోవాలి. కొంచెం తక్కువ శారీరక శ్రమ చేసే వాళ్లు, వైట్‌ కాలర్‌ ఉద్యోగులు కనీసం 2,400 కేలరీల ఆహారం తీసుకోవాలి. కనీస ఆరోగ్యం కాపాడుకోవాలంటే ఈ మాత్రపు కేలరీలున్న ఆహారం తప్పనిసరి అన్నది ఆహార నిపుణుల మాట! ఈ మేరకు ఆహారాన్ని మన ప్రజలు తీసుకుంటున్నారా? నూతన ఆర్థిక విధానాల ఫలితంగా ప్రపంచంలోనే శతకోటీశ్వరుల జాబితాలో మన దేశానికి, రాష్ట్రానికి చెందిన కొద్దిమంది స్థానం పొందుతూ ఉంటే, మరోవైపు కనీస తిండికి నోచుకోని వారి సంఖ్య రోజురోజుకీ పెరుగుతోంది. ఆర్థిక సంస్కరణలు జోరుగా ప్రారంభమైన 90వ దశకం తరువాత ఈ పరిణామం మరింత వేగం దాల్చింది. 1970వ దశకంతో పోల్చితే తక్కువ కాలరీల ఆహారంతో రోజులీడుస్తున్న వారి సంఖ్య ఆర్థిక సంస్కరణలు ప్రారంభమైనప్పటి నుంచీ పెరుగుతోంది. (పూర్తివివరాలు టేబుల్‌లో...)1970వ దశకంలో సగటున రోజుకి 460 గ్రాముల తృణధాన్యాలు దేశ ప్రజలకు అందుబాటులో ఉండగా, 1990లో 490 గ్రాములకు పెరిగి 2007-09కి ఆ మొత్తం 440 గ్రాములకు పడిపోయింది. 1991లో సరళీకరణకు మన్మోహనుడు శ్రీకారం చుట్టిన సంగతి తెలిసిందే! మన ప్రజలు చాలీచాలని తిండిగింజలతో రోజులు వెళ్లదీస్తుంటే, నూతన ఆర్థిక విధానాలను బలవంతంగా రుద్దుతున్న అమెరికాలో దీనికి భిన్నమైన స్థితి. అక్కడి ప్రజల తలసరి ఆహార ధాన్యాల వినియోగం 890 కిలోల పైమాటే!
ప్రభుత్వం చేస్తున్నదేమిటి?
పేదరికాన్ని తగ్గించి, దేశ ప్రజలందరికీ ఆహార భద్రతను కల్పించాల్సిన ప్రభుత్వం దానికి భిన్నంగా పేదరికపు లెక్కలను తగ్గించి చూపడానికి ప్రయత్నిస్తోంది. గ్రామీణ ప్రాంతాల్లో 2,200, పట్టణ ప్రాంతాల్లో 2,100 కేలరీల కంటే తక్కువ పోషక విలువలున్న ఆహారం తింటున్న వారు 75 శాతం ఉన్నారని ఒకవైపు చెబుతూనే మరోవైపు డబ్బు రూపంలో ఆదాయపు పరిమితిని నిర్థారించడం ద్వారా పేదరికం తగ్గిందని చెప్పడానికి దొంగనాటకం ఆడుతోంది. రోజుకు గ్రామాల్లో రూ.22, పట్టణాల్లో రూ.28 మొత్తాన్ని పేదరికానికి గీటురాయిగా ప్రభుత్వం నిర్ణయించింది. అంతకన్నా ఎక్కువ సంపాదించేవారు పేదలు కాదని ప్రణాళికా సంఘం అంటోంది. ప్రణాళికా సంఘం నిర్థారించిన 22, 28 రూపాయలతో రోజుకు 1,800 కేలరీల పోషక విలువలున్న ఆహారాన్ని పొందడం కూడా కష్టమే! ఇక కనీస ఆహార భద్రత ఎక్కడీ పేదరికపు ప్రమాణాలను ఇలా అర్థంపర్థం లేకుండా తగ్గించి గ్రామీణ ప్రాంతాల్లో 34 శాతానికి, పట్టణ ప్రాంతాల్లో 21 శాతానికి పేదరికం తగ్గిందని సర్కారు గొప్పలు చెప్పుకుంటోంది. ఈ లెక్కల ప్రకారం హమాలీలు, భవన నిర్మాణ, వ్యవసాయ కార్మికులు కూడా పేదరికపు పరిధిలోకి రారు. పేదరికం ప్రాతిపదికగా ప్రభుత్వం అమలుచేసే పథకాలకు పట్టణ ప్రాంతాల్లో 52 శాతం మంది, గ్రామీణ ప్రాంతాల్లో 41 శాతం మంది వాస్తవ పేదలు దూరమవుతారు. ఈ కాకి లెక్కలనే ఘనంగా చెప్పుకుంటున్న ప్రభుత్వం దేశ ప్రజల ఆహారభద్రతకు పెనుముప్పుగా మారిన విధానాలను అమలు చేస్తోంది. ఆహార ధాన్యాలకు బదులుగా వాణిజ్య పంటల సాగుకు ప్రాధాన్యతనిస్తోంది. స్థానిక అవసరాలకు కాకుండా విదేశాలకు ఎగుమతి చేయడానికి, అక్కడి వారి విలాసవంతమైన ఆహార అలవాట్లను తీర్చడమే మన ప్రభుత్వాల తక్షణ బాధ్యతగా మారింది. దీంతో మన ఆహార పంటల సాగుకు కావలసిన కనీస అవసరాలను రైతులకు ఏర్పాటు చేయడం లేదు. ఆరుగాలం కష్టించి పండించిన పంటను తన అవసరాలకు కూడా నిల్వ చేసుకోలేని స్థితికి రైతులను ప్రభుత్వం నెట్టివేసింది. చాలినంత సంఖ్యలో గోడౌన్లు నిర్మించకపోవడంతో పండిన పంట మొత్తాన్నీ ఎంతో కొంత ధరకు మార్కెట్‌లో తెగనమ్మడం, తన అవసరాలకు అదే మార్కెట్‌ నుంచి అత్యధిక ధరకు కొనుగోలు చేయడం రైతులకు అలవాటు చేసింది. ఉండటానికే సరైన ఇళ్లులేని స్థితిలో ఉన్న గ్రామీణ రైతాంగం ఆహార పంటల నిల్వకు ప్రత్యేక సౌకర్యాలు ఏర్పాటు చేసుకునే స్థితిలో ఎలాగూ లేరు!
అరకొర భద్రతా గాలికి ...!
ప్రభుత్వ విధానాల కారణంగా కోటా బియ్యంపై ఆధారపడిన పేద ప్రజలకు అరకొరగా లభిస్తున్న ఆహారాన్ని వారి నుంచి దూరం చేయడానికి ప్రభుత్వం ప్రయత్నిస్తోంది. రేషన్‌ షాపుల్లో సరుకులకు బదులుగా నగదును లబ్ధిదారులకు అందించాలన్న ఆలోచన దీనిలో భాగమే! ఈ విధానం అమలులోకి వస్తే రేషన్‌ షాపుల్లో సరుకులు ఇవ్వడం నిలిచిపోతుంది. దానికి బదులుగా ప్రభుత్వం ఇస్తున్న సబ్సిడీ మొత్తాన్ని లబ్ధిదారులకు అందజేస్తారు. ఆ మొత్తానికి మిగిలిన మొత్తాన్ని జమ చేసి బహిరంగ మార్కెట్‌లో నిత్యావసర వస్తువులను కొనుక్కోవాలి. మార్కెట్‌లో ధరలను నియంత్రించడం ప్రభుత్వం చేతుల్లో లేదని ఇప్పటికే తేలిన విషయమే! అంటే మార్కెట్‌ దయపైనే సాధారణ ప్రజానీకం ఆధారపడాలి. అదే జరిగితే ఇప్పుడు అందుతున్న కేలరీల ఆహారం కూడా మెజార్టీ ప్రజలకు అందదు. అంటే! ఆహారభద్రత కాస్తా గాలికి కొట్టుకుపోతుంది.
ఏమి చేయాలి ...?
ప్రజలందరికీ ఆహార భద్రతను సమకూర్చాలంటే ప్రభుత్వ విధానాల్లో గణనీయమైన మార్పు రావాలి. ఆహార పంటల సాగును ప్రోత్సహించాలి. రైతాంగానికి అవసరమైన ఎరువులను, పురుగు మందులను సాధ్యమైనంత తక్కువ ధరలకు అందుబాటులో ఉంచాలి. రైతుకు గిట్టుబాటు ధర కల్పించడం కోసం మార్కెట్‌లో ప్రభుత్వం సాధ్యమైనంత ఎక్కువగా జోక్యం చేసుకోవాలి. ఎఫ్‌సిఐ వంటి ప్రభుత్వరంగ సంస్థల చేత ఆహార ధాన్యాలను సాధ్యమైనంత ఎక్కువగా కొనుగోలు చేయించాలి. లక్షిత సబ్సిడీ వ్యవస్థకు బదులుగా సార్వత్రిక ప్రజాపంపిణీ వ్యవస్థను ఆచరణలోకి తీసుకురావాలి. నగదు బదిలీ పథకాల ఆలోచనను కూడా మానుకోవాలి. గ్రామీణ ఉపాధి హామీని మరింత విస్తృతంగా అమలు చేయడంతో పాటు, పట్టణ ప్రాంతాల్లోనూ ఉపాధికి గ్యారంటీ ఇవ్వాలి. దీనికోసం ప్రభుత్వంపై సంఘటిత పోరాటాల ద్వారా ఒత్తిడి తీసుకురావాలి.

-ఎస్‌ పుణ్యవతి

prajasakti Thu, 26 Jul 2012, IST

• పీపుల్స్‌ డెమోక్రసీ సంపాదకీయం

మన ప్రజల్లో 11 శాతం మంది అపరిమితంగా పోషకాహారం తీసుకోవడంతో బాధపడుతున్నారు. అంటే, అనేక రకాల లేదా అనవసరమైన కేలరీలను తీసుకుంటున్నారు. మరోవైపు, పోషకాహార లోపంతో బాధపడే వారి సంఖ్య భారతదేశంలోనే అత్యధికంగా ఉంది. వెలిగిపోతున్న భారత్‌ అమితంగా తినడం వల్ల వచ్చే అనేక వ్యాధులతో బాధపడుతోంది. సరైన పోషకాహారం అందుబాటులో లేకపోవడం ఈ లోపానికి ప్రధాన కారణం. స్థూల అంచనాల ప్రకారం గ్రామీణ ప్రాంతాల్లో నివసిస్తున్న వారిలో 75 శాతం మంది, పట్టణాల్లో 73 శాతం మంది కనీస జీవనానికి అవసరమైన కేలరీల కంటే రోజువారీగా తక్కువ స్థాయిలో తీసుకుంటున్నారు.

ఆహార భద్రతపై నెల రోజులపాటు నిర్వహించిన ప్రచారం, ఆందోళన కార్యక్రమం పార్లమెంటు ముందు నిర్వహించనున్న ఐదు రోజుల ధర్నాతో ముగుస్తుంది. పార్లమెంటు వర్షాకాల సమావేశాలు 2012, జులై 30న ప్రారంభం కానున్నాయి. ఆ రోజు నుంచి ఐదు రోజుల పాటు నాలుగు వామపక్షాలు ధర్నా చేయనున్నాయి. నెల రోజుల ఉద్యమంలో భాగంగా దేశవ్యాప్తంగా విస్తృత స్థాయిలో ఆందోళన నిర్వహించారు. పేదలందరికీ బిపిఎల్‌ కార్డులను జారీ చేసి తగిన మేరకు ఆహార ధాన్యాలను, ఇతర నిత్యావసర వస్తువులను ప్రజా పంపిణీ వ్యవస్థ ద్వారా సరఫరా చెయ్యాలని, పిడిఎస్‌ నుంచి ఆహార ధాన్యాలు బ్లాక్‌మార్కెట్‌కు, లాభార్జనకు దారి మళ్లకుండా చర్యలు తీసుకోవాలని డిమాండ్‌ చేస్తూ ఈ ఆందోళనలు నిర్వహించారు.
దేశంలో ప్రతి ఒక్క బిపిఎల్‌, ఎపిఎల్‌ కుటుంబానికీ నెలకు కిలో రెండు రూపాయల చొప్పున 35 కిలోల ఆహార ధాన్యాలను సరఫరా చేసేందుకు ఆహార భద్రతా చట్టాన్ని సత్వరం ఆమోదించేలా ప్రభుత్వంపై ఒత్తిడి తెచ్చేందుకు ఈ ప్రచారాన్ని నిర్వహించారు. ఆకలి, ఆహార అభద్రత సమస్యలను పరిష్కరించేందుకు ఇదొక్కటే మార్గం.
ఐక్యరాజ్యసమితి ప్రపంచ ఆకలి సూచీ ( జిహెచ్‌ఐ) ప్రకారం తీవ్ర ఆకలి సమస్యను ఎదుర్కొంటున్న ప్రపంచంలోని 80 దేశాల్లో భారత్‌ 67వ స్థానంలో ఉంది. ప్రపంచంలో ఆకలితో బాధపడుతున్న వారిలో 25 శాతం మంది (దీనిని అంగీకరించాల్సి రావడం సిగ్గుచేటైన విషయం) భారతీయులున్నారు. ఈ విషయంలో ఉత్తర కొరియా, అంతర్గత కలహాలతో తల్లడిల్లుతూ విడిపోయిన సూడాన్‌ కంటే కూడా భారత్‌ దిగువ ర్యాంక్‌లో ఉంది. ప్రపంచంలో పోషకాహార లోపంతో బాధపడుతున్న ఐదేళ్ల లోపు వయస్సున్న వారు మూడింట రెండు వంతుల మంది భారత్‌లో ఉన్నారు. భారతదేశంలో 44 శాతం మంది పిల్లలు నిర్ణీత ప్రమాణం కంటే తక్కువ బరువుతో ఉన్నారు. 72 శాతం మంది రక్తహీనత సమస్యను ఎదుర్కొంటున్నారు. 52 శాతం మంది గర్భిణీ స్త్రీలు రక్తహీనతతో బాధపడటం ఇంతకంటే ఘోరమైన విషయం. వారు భారత భవిష్యత్‌ తరానికి జన్మనివ్వనున్నారు. నివారించదగ్గ వ్యాధులతో భారత దేశంలో ప్రతి రోజూ వేలాది మంది బాలలు మరణిస్తున్నారు.
ఈ విషయంలో కూడా రెండు భారత దేశాలు ఏర్పడుతున్నాయి. మన ప్రజల్లో 11 శాతం మంది అపరిమితంగా పోషకాహారం తీసుకోవడంతో బాధపడుతున్నారు. అంటే, అనేక రకాల లేదా అనవసరమైన కేలరీలను తీసుకుంటున్నారు. మరోవైపు, పోషకాహార లోపంతో బాధపడే వారి సంఖ్య భారతదేశంలోనే అత్యధికంగా ఉంది. వెలిగిపోతున్న భారత్‌ అమితంగా తినడం వల్ల వచ్చే అనేక వ్యాధులతో బాధపడుతోంది. సరైన పోషకాహారం అందుబాటులో లేకపోవడం ఈ లోపానికి ప్రధాన కారణం. స్థూల అంచనాల ప్రకారం గ్రామీణ ప్రాంతాల్లో నివసిస్తున్న వారిలో 75 శాతం మంది, పట్టణాల్లో 73 శాతం మంది కనీస జీవనానికి అవసరమైన కేలరీల కంటే రోజువారీగా తక్కువ స్థాయిలో తీసుకుంటున్నారు.
భారత్‌ తన జిడిపి వృద్ధి రేటును తిరిగి సాధించగలిగితే ఈ పరిస్థితి మారుతుందనే అభిప్రాయం నెరవేరలేదు. ఈ శతాబ్దం తొలి దశకంలో దేశంలో ఆహార ధాన్యాల ఉత్పత్తి వృద్ధి రేటు సంవత్సరానికి 1.3 శాతానికి తగ్గింది. ఆర్థిక సంస్కరణల పూర్వ దశాబ్దాలైన 1980లలో ఉన్న 2.7 శాతం ఉన్న వృద్ధి రేటు (ఇదే సమయంలో దేశంలో జిడిపి వృద్ధి రేటు ఎక్కువగా ఉంది) ఆ తరువాత క్రమంగా తగ్గింది. ఫలితంగా ఆహారధాన్యాల తలసరి అందుబాటు రోజుకు 1990లో 494 గ్రాములుండగా, 2009లో 438 గ్రాములకు తగ్గిపోయింది.
నయా ఉదారవాద ఆర్థిక సంస్కరణలు ప్రవేశపెట్టడంతో రేషన్‌ కార్డుల ద్వారా అమలు జరిగిన సార్వజనీన ప్రజా పంపిణీ వ్యవస్థను 1997లో రద్దు చేశారు. సార్వజనీనంగా కొన్ని లోపాలు, అవినీతి ఉన్నప్పటికీ 1991లో 2.1 కోట్ల టన్నుల ఆహార ధాన్యాలు, అంటే అందుబాటులో ఉన్న ఆహార నిల్వల్లో 45 శాతం ఆహార ధాన్యాలను రేషన్‌ కార్డుల ద్వారా పంపిణీ చేశారు. 2001 నాటికి పంపిణీ చేసిన ఆహార ధాన్యాల పరిమాణం 1.3 కోట్ల టన్నులకు తగ్గింది. ఈ దేశంలో మెజారిటీ ప్రజల పేదరికానికి, బాధలకు సంబంధించిన వాస్తవాలను ఆమోదించడానికి ప్రభుత్వం నిరాకరిస్తోంది. కేంద్ర ప్రభుత్వ గోదాముల్లో అవసరానికి మించి నిల్వ ఉన్న ధాన్యాలను బిపిఎల్‌ ధరలకు పేదలకు పంపిణీ నిమిత్తం విడుదల చెయ్యడానికి కేంద్ర ప్రభుత్వం నిరాకరిస్తోంది. 2012, జూన్‌ 1 నాటికి ప్రభుత్వం వద్ద 8.23 కోట్ల టన్నుల ఆహార ధాన్యాలు నిల్వ ఉన్నాయి. అత్యవసర అవసరాల నిమిత్తం నిల్వ ఉంచే పరిణామం కంటే 50 లక్షల టన్నుల ఆహార ధాన్యాలు ఎక్కువగా గోదాముల్లో ఉన్నాయి. ప్రభుత్వ గోదాములు ఆహార ధాన్యాల నిల్వలతో పొంగిపొర్లుతుండటంతో బహిరంగ ప్రదేశాల్లో నిల్వ ఉంచిన ధాన్యాల్లో 66 లక్షల టన్నులు ముక్కిపోయాయి. అయినప్పటికీ యుపిఎ-2 ప్రభ్వుం ఈ ధాన్యాన్ని విడుదల చేసేందుకు నిరాకరిస్తోంది. ప్రస్తుత సీజన్‌లో సేకరించే ఆహారధాన్యాలను నిల్వ ఉంచేందుకు ప్రభుత్వం కనీసం రూ.20,000 కోట్లు ఖర్చు పెట్టాల్సి ఉంటుందని మాజీ ఆర్థిక మంత్రి, భారత కొత్త రాష్ట్రపతి పార్లమెంటులో ఇంతకు ముందు ప్రకటించారు. అయినప్పటికీ ప్రభుత్వం ఈ నిల్వలను విడుదల చేసేందుకు నిరాకరిస్తోంది. దేశ ప్రజలను ఆకలితో అలమటింపజేస్తూ లాభం కోసం ఈ నిల్వలను ఎగుమతి చెయ్యాలని భావిస్తోంది. వీరిని మృత్యు బేహారులుగా గాక ఏమనాలి?
ఈ పత్రిక ప్రచురణకు వెళ్లే రోజున, అంటే జులై 25న భారత రిపబ్లిక్‌ 13వ రాష్ట్రపతి పదవీ ప్రమాణ స్వీకారం చేశారు. పార్లమెంటు సెంట్రల్‌ హాలులో ఆ తరువాత చేసిన ప్రసంగంలో అన్ని సమానత్వాల కంటే ఆర్థిక సమానత్వం అత్యంత ముఖ్యమైందని పేర్కొన్నారు. 'మన అభివృద్ధి నిజం కావాలంటే, ఈ దేశంలోని నిరుపేదలు అభివృద్ధి చెందుతున్న భారతదేశంలో తామూ భాగస్వాము లని భావించాలి' అని ఆయన వ్యాఖ్యానించారు. ఈ ప్రసంగాన్నే ప్రాతిపదికగా తీసుకుంటే 'పేదరిక రక్కసిని నిర్మూలించేందుకు, భారతదేశాన్ని యువత అభివృద్ధి పథంలో ముందుకు తీసుకెళ్లేందుకు' మన భవిష్యత్తుకు కొత్త మార్గదర్శకత్వాన్ని నిర్దేశించారు. 'ఆకలిని మించిన అవహేళన లేదు. ఆర్థిక సంస్కరణలకు మూలమైన ట్రికిల్‌ డౌన్‌ సిద్ధాంతాలు (సంపన్నులకు కల్పించే ప్రయోజనాలు అంతిమంగా పేదలకు ప్రయోజనం చేకూర్చుతాయని చెప్పే ఆర్థిక సిద్ధాంతాలు) పేదల న్యాయబద్ధమైన ఆకాంక్షలను నెరవేర్చవు. ఆధునిక భారతదేశ నిఘంటువు నుంచి పేదరికాన్ని నిర్మూలించాలంటే అట్టడుగు స్థాయిలో ఉన్న వారిని పైకి తీసుకురావాలి' అని ప్రణబ్‌ పేర్కొన్నారు.
ఈ దార్శనికత సాధించాలనే చిత్తశుద్ధి ఉంటే ఆహార హక్కును మన ప్రజల ప్రాథమిక హక్కుగా చేయాలని తన ప్రభుత్వాన్ని ప్రణబ్‌ ముఖర్జీ ఆదేశించాలి. గౌరవనీయులైన రాష్ట్రపతిగారూ, మన దేశంలో ప్రతి ఒక్క కుటుంబానికీ ప్రతి నెలా కిలో రెండు రూపాయలకు 35 కిలోల ఆహారధాన్యాలను సరఫరా చేసేలా శాసనం చెయ్యడం ద్వారా మాత్రమే ఈ లక్ష్యాన్ని సాధించే దిశగా మన ప్రయాణాన్ని ప్రారంభించవచ్చు.
ప్రాథమికంగా ఈ లక్ష్యాన్ని సాధించేందుకు, తద్వారా మన దేశం నుంచి ఆకలిని పారదోలేందుకు వామపక్షాలు పార్లమెంటు ముందు చేయబోయే ధర్నా ద్వారా యుపిఎ ప్రభుత్వంపై ఒత్తిడి చేయబోతున్నాయి. ఇటువంటి ప్రజా సమీకరణలను భవిష్యత్తులో మరింతగా పటిష్టం చేసి ఆకలి, పేదరికం లేని మెరుగైన భారతదేశాన్ని నిర్మించాల్సి ఉంది.
(జులై 25, 2012)

కామ్రేడ్ సూర్యారావు గారి సంస్మరాన సభ  పెద్దాపురం 2-7-2012 న జరిగింది రాష్ట్ర కేంద్రం నుండి కా ; కృష్ణాయ గారు , బాబురావు గారు , వెంకట్ గారు వచ్చారు 

CITU genaral bodi meeting peddapuram 16-07-2012

అసంగాతిత కార్మికుల సమస్యపై సంగం పెడదాం సమరం చేదం కోసం సర్వేలు జాతా కోసం జనరల్ బోడి సమావేశం జరిగింది 16-07-2012

power charges

విద్యుత్ చర్గేలకు నిరసనగా పెద్దాపురం లో తలలేని దిస్తిబోమ దగ్దం 13-07-2012

Bavana nirmana karmikula bratukulu

భవన కార్మికుల బతుకులు ఇంతేనా..!

ప్రజాశక్తి - కాకినాడ   Sat, 21 Jul 2012, IST  

ప్రజాశక్తి - కాకినాడ

           ప్రకృతిలో మనకు కనిపించే నిర్మాణాల్లో భవన నిర్మాణ కార్మికుల పాత్ర కీలకం. అందమైన అద్దాల మేడలు, రోడ్లు, బ్రిడ్జిలు, ప్రాజెక్టులు చారిత్రక కట్టడాలు సృష్టించేది నిర్మాణ కార్మికులే. అటువంటి ప్రతిభ కలిగిన కార్మికుల బతుకుల్లో అంధకారం చోటుచేసుకుంటోంది. పెట్టుబడిదారీ సమాజంలో నిర్మాణ రంగం వేగం పుంజుకుంది. పాత వాటి స్థానంలో కొత్త రూపాల్లో నిర్మాణ పనులు నిరంతరం జరుగుతున్నాయి. అపారమైన ఉపాధి అవకాశాలు ఈ రంగంలో ఉన్నాయి. ఇంజనీర్లు వేసే ప్లానులకు విద్యనేర్వని నిర్మాణ కార్మికులు తమ మేథస్సుతో అందమైన నిర్మాణాలుగా ప్రాణ ప్రతిష్ట చేస్తారు. మానవ చరిత్రలో నిర్మాణ రంగం చాలా మార్పులకు గురవుతూ ప్రస్తుత రూపాన్ని సంతరించుకుంది. 16వ శతాబ్ధం నుంచే నిర్మాణ పనుల ప్రాధాన్యత సంతరించుకుంది. ఈజిప్టు పిరమిడ్లు, తాజ్‌మహల్‌, చార్మినార్‌, కోణార్క్‌ దేవాలయం తదితర కట్టడాలు నిర్మాణ కార్మికుల ప్రతిభకు నిదర్శనంగా చెప్పొచ్చు.

మన జిల్లాలోని భవన నిర్మాణ రంగంలో 2.50 లక్షల మంది కార్మికు లున్నారు. రోజుకు 8 గంటల నుంచి 10 గంటలు పని చేయడం వల్ల ఒక్కో ప్రాంతాన్ని బట్టి రూ.250 నుంచి రూ.300 వరకు రోజు వేతనం వస్తుంది. ఈ పని కష్టంతో కూడుకున్నది. ఎండ, వాన, చలిని తట్టుకుని పని చేయాలి. సిమెంట్‌ ప్రభావం వల్ల దీర్ఘకాల అనారోగ్యాలకు గురవుతున్నారు. భవనాలపై నుంచి పడిపోవడం, రోడ్డు ప్రమాదాల్లో మరణించడం, లేదా శాశ్వత అంగవైకల్యానికి గురౌతున్నారు. అందమైన భవనాలు నిర్మించే వారి బతుకులు మాత్రం అంధవికారంగా తయారవుతున్నాయి. ప్రభుత్వ నూతన ఆర్థిక విధానాల అమలు ఫలితంగా సిమెంట్‌, ఐరన్‌ ఇతర ముడి సరుకుల ధరలు పెరుగుదల వల్ల కార్మికులు ఉపాధి కోల్పోతున్నారు. కోర్డు ఆదేశాలతో ఆరు నెలలుగా ఇసుక ర్యాంపుల్లో తవ్వకాలు నిలిచిపోయాయి. దీంతో జిల్లాలోని 2.50 వేల మంది భవన నిర్మాణ రంగ కార్మికులు ఆకలితో పస్తులుండాల్సి వస్తోంది. ప్రభుత్వ అనాలోచిత నిర్ణయాల వల్ల బలైంది నిర్మాణ కార్మికులు. వీటికి తోడు ప్రభుత్వం విద్యుత్‌ ఛార్జీలు, ఇంటి పన్నులు, నీటి పన్నులు పెంచి వారిని మరింతగా కుంగదీసింది. నిర్మాణ కార్మికులకు సొంతిళ్లు లేవు. ఏ ఒక్క ప్రజాప్రతినిధీ వారి సంక్షేమాన్ని పట్టించుకున్న పాపాన పోలేదు. రిలయన్స్‌ అంబానీ లాంటి బడా పెట్టుబడిదారుడికి రూ.5,700 కోట్ల విలువైన 14 అంత్తుల భవనం ఉంది. అందులో ఉండేది ముగ్గురు. దానిలో పని చేసే కార్మికులు 700 మంది. కానీ ఆ నిర్మాణంలో పాలు పంచుకున్న కార్మికులకు కనీసం సొంత గూడు లేదు. సమాజంలో అంతరాలు ఈ విధంగా పెరిగిపోతున్నాయి. కార్మికులు గొంతెమ్మ కోర్కెలు కోరడం లేదు. ఉండటానికి ఇల్లు, రోజూ ఉపాధి కోరుతున్నారు.

జిల్లాలో అమలు కాని భవన నిర్మాణ కార్మిక చట్టం

భవన నిర్మాణ కార్మికులు ప్రమాద భద్రత కోరుతున్నారు. దాని కోసం సిఐటియు నాయకత్వంలో 1989 నుంచి నిరంతరం ధర్నాలు, చలో అసెంబ్లీలు, సమ్మెలు చేశారు. ఫలితంగా ఆరుగురు ముఖ్యమంత్రుల పాలనలో 1996లో భవన నిర్మాణ కార్మిక చట్టానికి రూపకల్పన జరిగింది. అయితే 2007 వరకు అమలుకు నోచుకోలేదు. పథకం అమలు చేయాలని కోరుతూ యూనియన్‌ 2007 మార్చిలో సుప్రీం కోర్టులో ఫిల్‌ వేసింది. దీంతో సుప్రీం కోర్టు ప్రభుత్వానికి మొట్టికాయ వేసి, రాష్ట్రంలో తక్షణమే భవన నిర్మాణ కార్మికులకు పథకం అమలు చేయాలని ఆదేశాలిచ్చింది. నాటి ముఖ్యమంత్రి వైఎస్‌ఆర్‌ 2007 మే ఒకటో తేదీన చట్టం చేశారు. ఒక మనిషి చేసే పని ద్వారా లాభం పొందిన వ్యక్తి ఆ మనిషి సంక్షేమాన్ని పట్టించుకోవాలనేది చట్టం సారాంశం. ఆ విధంగా ఒక శాతం సెస్‌ వసూలు చేస్తున్నారు. వచ్చిన మొత్తాన్ని ఖర్చు పెట్టేందుకు సంక్షేమ బోర్డు ఏర్పాటైంది. అయితే దీనిలో భవన నిర్మాణ కార్మికులు గానీ, నాయకులు గానీ లేరు. దీంతో కార్మిక కష్టాలు బోర్డులో ఉన్నవారికి పూర్తిస్థాయిలో అర్థం కాలేదు. సంక్షేమ చట్టంలో నమోదు చేయించుకున్న వ్యక్తి గడిచిన సంవత్సరంలో 90 రోజులు తక్కువ కాకుండా పని చేయాలి. ఈ పథకానికి రూ.50 రుసుం, సంవత్సర సభ్యత్వం రూ.12 కలిపి కార్మిక సంక్షేమాధికారి వద్ద నమోదు చేయించుకోవాలి. దీనికి రెండు పాస్‌ పార్ట్‌ ఫొటోలతో ప్రభుత్వం గుర్తింపు పత్రం జారీ చేయాల్సి ఉంది. 18 ఏళ్ల నుంచి 60 ఏళ్లలోపు వయసు కలిగి ఉండాలి. తద్వారా బీమా సాయం ప్రమాదంలో చనిపోయిన లేదా శాశ్వత అంగవైలక్యం పొందిన వారికి రూ.2 లక్షలు, 50 శాతం అంగవైకల్యానికి లక్ష రూపా యలు, 25 శాతం నుంచి 49 శాతం వరకు రూ.50 వేలు, ఒకటి నుంచి 25 శాతం వరకు రూ.25 వేల సాయం అందుతుంది. అనారోగ్యం సమయంలో రోజుకు రూ.100 చొప్పున నెలకు రూ.1,500 మించకుండా మూడు నెలల వరకు ఇస్తారు. మరణించిన కార్మికుల మట్టి ఖర్చుల నిమిత్తం రూ.5 వేలు ఇస్తారు. మహిళా కార్మికుల, కార్మికుల ఆడపిల్లల పెళ్లి నిమిత్తం ఇద్దరికి రూ.5 వేలు వివాహ కానుకగా ఇస్తారు. నమోదు కాని కార్మికుడు చనిపోతే రూ.5 వేల ఇవ్వాలి. చట్టంలో పైన చెప్పినవన్నీ ఈ జిల్లాలో అమలు కావడం లేదు. కార్మిక సంక్షేమాధికారులను ఇదేమని ప్రశ్నిస్తే 'మన జిల్లాయే కాదు... రాష్ట్రంలో ఎక్కడా అమలు కావడం లేదు' అని దాటవేసే ధోరణిలో మాట్లాడుతున్నారు. ప్రమాద పరిహారాలు పొందే లబ్దిదారులను కాళ్లరిగేలా కార్యాలయాల చుట్టూ తిప్పుతూ తీవ్ర ఇబ్బందులకు గురి చేస్తున్నారు. ప్రయివేట్‌ బిల్డర్ల నుంచి, ప్రభుత్వ శాఖల నుంచి సెస్‌ వసూలు చేస్తున్నారు. జిల్లాలో 2.50 లక్షలు మంది కార్మికులుండగా ప్రభుత్వ లెక్కల ప్రకారం నమోదు చేయించుకున్నది లక్షా 26 వేల మంది మాత్రమే. అందులో సుమారు 43 మంది ఉపాధి హామీ కూలీలు కలిపి. నేటికీ కార్మిక శాఖ నూరు శాతం చేయలేదు. రెన్యూవల్స్‌ అయితే కేవలం 60 శాతం మాత్రమే జరిగాయి. దీనికి కారణం కార్మిక శాఖ నిర్లక్ష్యమే. యూనియన్ల ఉన్న చోట రెన్యూవల్స్‌ చేస్తున్నారు. లేని చోట చేయడం లేదు. ఈ ఏడాది మార్చి వరకూ ప్రమాదాలకు గురై శాశ్వతంగా అంగవైకల్యం పొందిన ముగ్గురికి రెండు లక్షలు, పాక్షిక అంగవైకల్యం పొందిన నలుగురికి రూ.50 వేలు ఇచ్చినట్లు కార్మిక శాఖ ప్రకటించింది. ఇటీవల కాలంలో క్లెయిమ్‌లు రావడం లేదు. నిధులు లేవని కార్మిక శాఖాధికారులు చెబుతున్నారు. అయితే సెస్‌ సంక్షేమ బోర్డులో సుమారు రూ.800 కోట్లున్నాయి. వాటిని ప్రభుత్వ ఖజానాకు మళ్లించారు. ఈనేపథ్యంలో కార్మికులు చట్టం అమలుకు పోరాటాలకు సన్నద్ధమౌతున్నారు. జిల్లాలోని అన్ని ప్రాంతాల్లోనూ సిఐటియు ఆధ్వర్యాన కార్మిక సమస్యలపై సర్వేలు జరుగుతున్నాయి. రానున్న కాలంలో భవన నిర్మాణ కార్మికులు పెద్ద ఎత్తున ఆందోళనలు చేపట్టి, ప్రభుత్వంపై ఒత్తిడి తెస్తేగాని సమస్యలు పరిష్కారం కావు. ఇందుకు కార్మికులంతా ఏకతాటిపై నిలిచి హక్కులను పరిరక్షించుకోవాలి.

బాలం శ్రీనివాస్‌,

భవన నిర్మాణ కార్మిక సంఘం జిల్లా నాయకుడు. 

KVPS jatha amalpuram march 2012

దళిత సమసల పరిష్కారం కోసం నెల రోజుల సైకిల్ యాత్ర కే.వీ .పీ .ఎస్ అద్వార్యన అమలాపురం 

CITU May day peddapuram 2012

ప్రపంచ కార్మికులారా ఏకంకండి అన్న మార్క్స్ పిలుపికి  మే దినోస్తావం పలకరింపు

కార్మికులతో పెద్దాపురం లో రాలి 

samsmaran sabha card

yaslapu suryarao

మా కోసం బ్రతికినోడు 

మాలో ఒకడై నిలిచినాడు 

నిత్యం మా వేనంటే ఉంది నడిపినాడు 

కామ్రేడ్ సూర్యారావు మాకు లేరని 

నమలేక ఉండలేక 

Yasalpu Suryarao

కష్టజీవుల కవి యాసలపు సూర్యారావు

సవ్వడి డెస్క్ - సత్యాజీ   Sun, 24 Jun 2012, IST  

                       అక్షరం, ఆచరణ రెంటినీ కలగలిపి నడిపించడం అందరికీ సాధ్యం కాదు. ఉద్యమం, జీవితం చెట్టాపట్టాలేసుకొని నడవడమూ అంత ఆషామాషీ కాదు. ప్రజా ఉద్యమ ప్రస్థానంలో ఆటుపోట్లు తట్టుకొని... కష్టనష్టాలు ఎదుర్కొని... కవిగా, రచయితగా, అంతకుమించి ప్రజా ఉద్యమ కార్యకర్తగా, నాయకుడిగా రాణించటం సామాన్య విషయం కాదు. ఈ కాదు కాదు అనుకుంటున్న కార్యస్థలిలోనే - దిగ్విజయంగా రాణించాడు యాసలపు సూర్యారావు. నీతికీ, నిజాయితీకి, నిబద్ధతకీ నిలువెత్తు రూపంగా నిలిచాడు. 62 ఏళ్ల సూర్యారావు ఈనెల 22న తుదిశ్వాస విడిచాడు.

సూర్యారావు పాఠశాలకు వెళ్లాడో లేదో తెలీదు. ఆ విషయం తనకే గుర్తు లేదు. మట్టి పలక మీద ఏవో కొన్ని అక్షరాలు దిద్దినట్టు గుర్తు. ఊహ తెలీనప్పటినుంచీ కష్టాలు సుపరిచితం. దేన్నీ ఆషామాషీగా తీసుకునే రకం కాదు. దేన్నయినా తరచి తరచి చూడాల్సిందే! గీటు పెట్టి నిగ్గు తేల్చాల్సిందే! తొక్కూ తాలూ తార్కిక వాదంతో పక్కకు తప్పు కోవల్సిందే! వాదనకు నిలబడని ఏ విషయాన్నీ అతడు నమ్మలేదు. కులాలూ మతాలూ, దేవుడూ దెయ్యం లాంటివి చిన్నప్పుడే అతడి మనసు తెరపై నుంచి మాయం అయిపోయాయి. కొందరికి ఆకలీ దారిద్య్రమూ ఎందుకో, ఇంకొందరికి ఆకాశ హార్మ్యాలూ తరగని విలాసాలూ ఎందుకో చిన్నప్పుడే తర్కించి, వాదించి ... ఎడతెగని ఆలోచనలకు గురయ్యాడు. 12 ఏళ్ల వయసులో కమ్యూనిస్టు పార్టీ పరిచయం, విజ్ఞాన తరగతుల ప్రభావం అతడి ఆలోచనలకు పదును పెట్టాయి. సత్యాన్వేషణకు సరైన మార్గం దొరికినట్టయింది. బాల్యంలో నేర్చుకున్న మట్టి పలక అక్షరాలను మనోక్షేత్రంలో నిరంతరం దిద్దడం మొదలెట్టాడు. 'ప్రజాశక్తి' పత్రికను ఇంటింటికీ పంచే పని చేస్తూనే - దాన్లోని వార్తలు, వ్యాసాలూ కూడబలుక్కొని చదివాడు. సైకిల్‌ షాపులో మెకానిక్కుగా ఉంటూ ఖాళీ సమయంలో పుస్తకాలు చదివాడు. తనలో తలెత్తుతున్న ప్రశ్నలన్నింటికీ జవాబులు దొరకటంతో- అతడి ఆలోచనల్లో, ఆచరణలో కొత్త పంథా మొదలైంది.

ప్రజానాట్యమండలి పరిచయం అతడిలో భావోద్వేగం రెక్కలు తొడిగింది. నెమ్మదిగా కవిత్వం రాయడం మొదలెట్టాడు. చుట్టూ చూస్తున్న అన్యాయాలపై నాటికలు రాశాడు. ప్రజల సమస్యలపై పాటలు అల్లాడు. పిల్లలకోసం కథలు వెలువరించాడు. సంస్క ృతి, జానపద కళలు అంటే ఎడతెగని మక్కువ. ఊరూరా తిరుగుతూ బిచ్చమెత్తుకునే కళాకారులతో స్నేహం చేశాడు. వాళ్ల పాటలు, మాటలూ రికార్డు చేశాడు. ఆ కళల పుట్టుకా, వికాసం, ప్రస్తుత పరిస్థితిపై పరిశోధనకు దోహదపడేలా వ్యాసాలు రాశాడు. ప్రాథమిక స్థాయి విద్య కూడా పాఠశాలలో నేర్వని మీరు ఇవన్నీ ఎలా చేయగలిగారు అని ఎవరైనా అడిగితే - ఒకే ఒక్క మాట చెప్పేవాడు : ''కమ్యూనిస్టు పార్టీ గొప్పదనం వల్ల... పార్టీ నేర్పిన ఆలోచనల వల్ల... పార్టీ నేర్పిన క్రమశిక్షణ, అధ్యయన పద్ధతుల వల్ల..'' అని.

సూర్యారావు 'ప్రజ్వలనమ్‌', 'తల్లీ గోదావరీ', 'ఆడు మగాడు', 'పేగుబంధం' పేరుతో నాలుగు కవితా సంపుటాలు వెలువరించారు. ఈ కవితలనిండా సమకాలీన సమస్యలే పరుచుకొని ఉంటాయి. కవితల్లో ఆవేదన, ఆకళింపు ఎంత కనిపిస్తుందో- అవసరమైన చోట ఆగ్రహమూ అంతే ధ్వనిస్తుంది. సమన్వయం, సహనం కనిపిస్తూనే సమరనాదమూ వినిపిస్తుంది. ఆయన కవిత్వం ఆలోచింపచేసేదిగా ఉంటుంది. అందరికీ అర్థమయ్యేలా ఉంటుంది. ప్రపంచీకరణ పేగుబంధాన్ని సైతం విచ్ఛిన్నం చేయడం, సెజ్‌లు రైతులను నిర్వీర్యుల్ని చేయడం; బహుళజాతి సంస్థలు గిరిజనులను, మత్స్యకారులను ఆవాసాలనుంచి వెల్లగొట్టడం .... ఇలాంటి నేటి భారతపు సమకాలీనత అంతా సూర్యారావు కవిత్వంలో సజీవ దృశ్యంగా కనిపిస్తుంది. అణగారిన వర్గాల ఆక్రందన, ఆవేదనా ఆయన అక్షరాల్లో ప్రతిధ్వనిస్తుంది. సమస్యను సమస్యగా చెప్పి ఊరుకోవడం కాదు. దాని మూలాల్లోకి, పర్యవసానాల్లోకి వెళ్లి పాఠకుడి కళ్లకడతాడు. ఎక్కడా నిరాశా, నిస్ప ృహా ధ్వనించదు. స్పష్టమైన కార్యాచరణ, విస్పష్టమైన ఆశాభావం పఠితల్లో కలిగిస్తాడు. తాను స్వయంగా సమస్యలపై పోరాడే కార్యకర్త కావడంవల్ల - ఆయన కవిత్వం నిండా వెల్లువెత్తే పిడికిళ్లూ, మార్మోగే కంఠధ్వనులూ అందమైన రేపటికి భరోసానిస్తాయి.

సూర్యారావు మూడు నాటికలు రాశారు. అవి : ఊరు మేల్కొంది, విముక్తి, మేల్కొలుపు. పాటలతో 'బతుకు పాట' ప్రచురించారు. 'పిట్టకొంచెం - కూత ఘనం' పేరుతో బాలల కథల సంపుటి వెలువరించారు. అనేక రాష్ట్రస్థాయి పోటీల్లో కవితలకు, కథలకు బహుమతులు పొందారు. వీటిన్నింటికీ మించి, తుదిశ్వాస విడిచేవరకూ క్రమశిక్షణ, నిబద్ధత కలిగిన ఉద్యమ కార్యకర్తగా ఉన్నారు. సిపిఎం తరఫున రెండుసార్లు పెద్దాపురం మున్సిపల్‌ కౌన్సిలర్‌గా ఎన్నికై, ప్రజల సమస్యలపై విశేష కృషి చేశారు. చెంచులు, గంగిరెద్దుల వారు వంటి సంచార జీవులకు పట్టణంలో స్థిరనివాసం, రుణాలు, రేషన్‌ కార్డులు ఇప్పించటానికి వివిధ దశల్లో పోరాడి, విజయం సాధించారు. సాహితీ స్రవంతి తరఫున ఎన్నో కార్యక్రమాలు నిర్వహించారు. సూర్యారావు ఉద్యమ కార్యకర్తగా ఏ సమస్యలపై పనిచేశాడో వాటినే కవిత్వంగా, కథలుగా పలికించాడు. కవిగా, రచయితగా దేన్నయితే రాశాడో - దానినే ఆచరణలో పెట్టటానికి అహర్నిశలూ శ్రమించాడు. ప్రముఖ కవి, సాహితీ విమర్శకులు అద్దేపల్లి రామ్మోహనరావు పేర్కొన్నట్టు - 'యాసలపు సూర్యారావు ధన్యజీవి. అక్షరాలా కష్టజీవుల కవి. ప్రజల మనిషి.'